Ano ang Alt TikTok?

Ang TikTok ay inilunsad noong Setyembre ng 2016 at mula noon ay naging lubhang popular kamakailan sa panahon ng pangangailangan ng mahihigpit na mga lockdown dahil sa pandemya. Gayunpaman, ngayon, kung kailan akala ng mga tao ay hindi na sila nahuhuli sa mga pinakabagong trend, ang mga bagong salita tulad ng Alt TikTok ay nagsimulang mauso. Karaniwan na ngayon para sa mga tao na tanungin ang kanilang mga kaibigan, "Aling bahagi kayo ng TikTok?", na ipinagtataka ng maraming tao. Ang totoo ay karamihan ng mga tao ay nasa mainstream TikTok, na karaniwang inilalarawan bilang Straight TikTok. Ang kabilang bahagi ng TikTok ay tinatawag na Alt TikTok, na siyang pinaikling form ng alternatibong TikTok. Ang Alt TikTok ay hindi nangangailangan ng ibang TikTok app; ginagamit nito ang parehong TikTok app na kilala nating lahat.

Kilalang kilala ang Straight TikTok na ginagamit ng mga tao upang ipakita ang kanilang galing sa pagsasayaw, mga bagay na kinahuhumalingan, at upang ipahayag ang kanilang saloobin sa mga isyu. Maraming mga tao ang gumagamit nito upang lumikha ng mga nakakatawa, ni-lip-sync na pag-arte. Pangkaraniwan na sa mga creator ng video sa Straight TikTok na may magandang hitsura at may magarang kakayahan at katangian sa pangkalahatan upang makakuha ng mas maraming view, like at suskripsyon.

Ang Alt TikTok ay naiiba sa diwa na ang mga tao dito ay nakakapanood at nakakapagbahagi ng content na hindi madalas makita sa Straight TikTok. Hindi ito para sa lahat, at tanging ang mga nag-uugnay lamang ng kanilang sarili dito ang nakakapasok dito, kaya ito nagiging espesyal. Ang mga content na ibinahagi doon ay mas hindi kapani-paniwala, sarkastiko, puno ng madilim na katatawanan, kalokohan, at pagkamalikhain. Ang uri ng katatawanan na mayroon dito ay maaaring hindi kaaliwan ng mga tao na nasa Straight TikTok at maaaring nilang ikalito.

Sa katunayan, itinuturing ng mga tao sa Alt TikTok na nakakabagot ang mga content sa mainstream TikTok sa pangkalahatan. Ang Alt TikTok ay mas tumatanggap at mas bukas sa mga nakakaaliw, nakakatawa, at kakaibang content anuman ang hitsura ng creator ng content, paniniwala, o oryentasyon. Kaya naman napapasikat nito ang mga tao dahil sa pagiging nakakatawa hindi dahil sa kanilang hitsura. Hindi ito kasing kilala o sikat kumpara sa mainstream TikTok, ngunit maraming sikat na Straight TikTok na mga video ang naglalaman ng tunog o bahagi ng video na kinuha mula sa content sa Alt TikTok.

Bilang default, inilalagay ng TikTok amh ,ha tap sa Straight TikTok at inilalagay lang ang mga tao sa Alt TikTok kung ang algorithm ay nakitang interesante ito. Tingnan natin ang mga gagawin mo para makarating sa Alt TikTok. Ang pinakamainam na paraan para magsimula ay bawasan ang ugnayan sa mga popular na TikTok video. Dapat maging mas mataas ang ugnayan mo sa mga kakaiba ngunit interesanteng mga content. Pwede kang mag komento sa mga video at sundan ang mga Alt TikTok video creators at tingnan ang suhestyon na sumusunod sa Alt TikTok video. Maaari ka rin maghanap ng mga video gamit ang hashtag, #alttok, o #altTikTok.

Ilan sa mga Alt TikTok videos ay hindi gumagamit ng mga hashtag at makikita lang gamit ang mga minungkahing hashtag tulad ng #beantiktok, #makka, #pakka, #retail arguments, #shek TikTok, #frogs, #carebear, #elitetiktok, #sacrifice, at iba pa.

Inihahatid sayo ng TikTok base sa iyong mga nakaraang panood ang antas ng pakikipag ugnayan sa kanila. Kaya't kapag napunta ka sa Alt TikTok, ang ugnayan sa mga video na ganon ay nagiging mataas para manatili ka roon. Tuloy po kayo sa mundo ng Alt TikTok!