Nagustuhan mo bang gamitin ang TikTok? Narito ang Paraan Upang Maging Viral sa 2021

Tiyak, nagbabago ang TikTok, at ibang-iba na ito kaysa noong nakaraang 12 buwan. Ano man ang iyong nadarama tungkol sa bago nitong algorithm ng 'For You Page' (FYP), kailangan mo pa ring makaalinsabay sa mga pagbabagong ito upang magkaroon ka ng tsansa na maging viral.

Ang TikTok ay mabilis na lumalaki, at gayun din ang bilang ng mga creator na gumagamit ng platform. Ang resulta ng pagdami ng gumagamit ng TikTok ay nangangahulugan na mas mahirap nang abutin ang FYP. Maaaring mainis o matuwa ang mga creator sa FYP, kadalasan ay depende kung kabilang sila o hindi. Gayunpaman, anuman ang nadarama mo tungkol sa algorithm ng FYP, kailangan mong manatiling nakasubaybay sa mga pagbabago nito upang magkaroon ng pagkakataon na magtagumpay sa app.

Ang pagkahati ng mga opinyon tungkol sa algorithm ng FYP ay nagresulta sa maraming kumakalat na haka-haka tungkol sa TikTok. Narito ang ilan sa mga lumaganap nang husto:

Nabasa mo ang ilang haka-haka tungkol sa TikTok, kaya ano ang gagawin mo para maging viral sa 2021? Maraming bagay ang maaaring makaapekto sa bilang ng manonood ng iyong mga video. Maraming mga artikulo at pantulong na mga video kung paano bumuo ng content para sa TikTok. Baka gusto mo din basahin ang ilang artikulo kung bakit ang espesipikong mga video ay naging viral upang mas higit mo itong maunawaan.

Susuriin natin ngayon nang mas malalim ang bawat isa sa mga salik na ito.

Ikaw man ay may habang limang segundo o tumatakbo sa loob ng isang minuto, ang porsyento ng karaniwang oras-ng-panonood ay mahalaga para sa anumang video upang makaabot sa FYP at kasunod nito ang pagiging viral sa TikTok. Sa higit sa 700, 000 na mga tagasubaybay, ang influencer ng TikTok na si Robert Benjamin at ang iba pa ay gumawa ng maraming mga nakapagtuturong video tungkol sa pinakamagandang oras ng pagpo-post sa TikTok. Binibigyang-diin ni Robert na kailangang gumawa ng mas mahahabang video upang mapanatili ang pansin ng mga manonood hanggang sa huli.

Ang nangungunang tip ni Robert para sa tagumpay sa paggamit ng TikTok ay ang paggawa ng mga video na mas mahaba kaysa 15 segundo. Naniniwala siya na mas pinapaboran ng FYP ang mga mas mahahabang video kaysa sa mga mas maiigsi, kahit na ito ay mayroong parehong porsyento ng oras ng panonood.

Maaaring iniisip mo kung bakit ganon? Ito ay dahil sa nais ng TikTok na panatilihin ang presensiya ng mga manonood sa platform. Ang pananatili ng pansin ng mga manonood sa isang video nang mas matagal ay nangangahulugang nananatili sila sa TikTok nang mas matagal sa pangkalahatan. Samakatuwid, kung mayroon kang ilang video na mas maigsi sa 15-segundo, baka nais mong pahabain ang mga ito o palitan ang mga ito ng mas mahahaba. Sa paggawa nito ay magkakaroon ka ng mas malaking pagkakataon na maging viral.

Gayunpaman, may kalakip na babala ang payong ito. Ang pagpapanatiling nakatuon ang mga tao nang kalahating minuto ay mas mahirap gawin kaysa tawagin ang kanilang pansin ng limang segundo. Kung gayon, kung ikaw ay nahihirapang gumawa ng mga nakakaengganyong video na nasa pagitan ng 30-60 segundo, ang tsansa mo na maging viral ay mas mainam na gawin sa pamamagitan ng mga serye ng limang-segundong mga video. Sa katunayan, marami pa ding mga tao ang nagtatagumpay sa TikTok sa ganitong paraan.

Iyon ay dahil sa mas madaling panatilihin ang kasabikan at kasiglahan ng mga manonood sa mas maigsing video. Tandaan na kapag ito ang pinili mong landas, kailangan mong tiyakin ang 100% na oras ng panonood kung nais mong makakita ng kapansin-pansing resulta mula sa iyong FYP sa TikTok.

Kung nahihirapan kang panatilihin ang atensyon ng tagasubaybay sa iyong mas mahahabang video, baka gusto mong ikonsidera ang paggamit ng feature na Stitch. Ang pag-i-stitch ng mga video ay isang nakakaaliw at direktang paraan upang akitin ang iyong mga tagasubaybay sa iyong content. Magagawa mong mag-setup ng mga payak na tanong-at-sagot na format para sa iyong mga video. Ang format na ito ay isang mabisang paraan upang maabot mo ang FYP, dahil karamihan sa mga video na ito ay nasa FYP na. Bakit? Dahil karamihan sa mga TikTok na nasa FYP ay nagsimula sa isang tanong at nagpatuloy sa pagbibigay ng sagot.

Sundin ang tatlong simpleng hakbang na ito upang mag-stitch ng mga video:

Maaari mong gamitin ang pag-i-stitch bilang isang karanasan sa tanong-at-sagot o bilang 'Tugon na Reaksyon.' Pinipili ng maraming creator na sagutin ang tanong tungkol sa isang kontrobersyal na paksa, o maaari silang magbigay ng reaksyon sa isang bagay na nauuso dahil sa kabaliwan nito o dahil karapat-dapat itong bigyan ng reasksyon. Kaya, baka nais mo din isaalang-alang ang ganitong mga pamamaraan.

Mas mainam pa kung ikaw ang gagawa ng video na maaaring "i-stitch". Sa kasong ito, maaari kang gumawa ng sarili mong katanungan gayundin ang sagot dito. Kung mahihikayat mo ang ibang tao na i-stitch ang iyong video, malamang na maging viral ka.

Ang kagandahan ng stitching ay wala kang kailangan gawin kung hindi mag-record ng iyong sagot o reaksyon. Hindi ka na mahihirapan na akitin ang manonood, dahil ito ay nagawa na ng orihinal na creator ng video na gumawa ng mga tanong. Ang ginawa mo lang ay dinoble mo ang haba ng iyong video nang walang kahirap-hirap.

Sumunod sa Porsyento ng Oras ng Panonood, ang Pakikipag-ugnayan sa Tagasubaybay ang pangalawang pinakamahalagang sukatan ng FYP. Sinusukat ang Pakikipag-ugnayan sa Tagasubaybay sa kung ilang beses na ibinahagi ang iyong video, o gaano karami ang iyong tagasubaybay. Ang dalawang sukatan na ito ay mas kapaki-pakinabang sa iyo kaysa sa mga like at komento.

Ang pagbabahagi ng isang video o ang pag-follow sa isang creator ay magiging dahilan upang mas marami pang tao ang gumamit ng TikTok at gamitin ito ng mas matagal. Samakatuwid, ang algorithm ng TikTok ay dinisenyo upang magbigay ng mas malawak na exposure sa mga content na may pinakamaraming share at tagasubaybay. Siyempre, bigyang pansin din ang pangangailangan para sa mga like at komento, dahil ang mga ito ay nakatutulong din kahit paano.

Ang isa sa pinakamahusay na tip ni Robert ay ang pasiglahin ang pakikipag-ugnayan sa iyong mga tagasubaybay. Maaaring isipin mo na maganda ang iyong content, ngunit kung hindi mo pasisiglahin ang iyong pakikipag-ugnayan sa iyong mga tagasubaybay, malaki ang mawawala sa iyo.

Ang sikreto ay humiling sa mga tao na mag-iwan ng komento sa paraang gugustuhin nilang magbigay ng komento. Gayundin, subukang bigyan sila ng mas higit na dahilan para sundan ka kaysa maging isa lamang sa mga tagasubaybay mo.

Halimbawa, ano ang palagay mo dito; "Pindutin ang + para sundan ako." Hindi gaanong nakapagbibigay ng inspirasyon, hindi ba? Ngayon, ihambing ito sa tatlong iba pang mga pagpipilian:

Dapat na gawin mong tunguhin na ang lahat ng iyong content, halos lahat, ay batay sa kung ano ang nauuso. Nangangahulugan ito na ang paggamit ng mga nauusong kwento, audio, o nauusong sayaw ay malamang na makakuha ng mas maraming views kaysa sa content na bagong-bago o naiiba.

Maaari mong isipin na hindi ito madaling maunawaan, ngunit ang Tiktok ay batay sa paglikha at pagtataguyod ng mga trend. Nauunawaan ng FYP algorithm na natutuwa ang mga manonood sa mga partikular na mga audio na dati nang naging viral. Samakatuwid, magsusulong ito ng mga content na naglalaman ng bahagi ng mga ganitong audio. Sa diwa, naniniwala ang algorithm na natagpuan nito ang mga tagapanood para sa iyong content.

Muli, ang FYP algorithm ay binuo upang mapanatili ang pansin ng mga manonood sa platform ng TikTok hangga't maaari. Ang anumang content na wala sa trend ay hindi nakatutulong sa pagpapanatili ng mga manonood sa app, kaya ang ganitong content ay hindi binibigyan ng prioridad.

Ang tanging paraan lamang upang maging viral ang iyong content na wala sa trend ay kung magiging 100% ang porsyento ng panonood nito. Gayunpaman, mababa ang tsansa na mangyari ito sa mga content na wala sa trend.

Ang isa pang bentahe sa pagsunod sa trend ay dahil nababawasan nito ang pangangailangan na gumawa ng mga malikhaing content. Maaring mahamon ang iyong pagkamalikhain sa paggawa ng bago at kakaibang content araw-araw, samantalang ang trending content ay madaling gawin at makakatipid ka ng malaking oras.

Subukang sundan ang mga creator sa sakop ng iyong niche. Tingnan kung ano ang kanilang ginagawa, ang kanilang pinakabagong mga video, at kung ano sa mga content nila ang may pinakamagandang resulta. Gayundin, subukang paboran ang anomang audio sa iyong FYP na sa palagay mo ay maaari mong gamitin at masisiyahan ang iyong tagasubaybay.

Napakahalaga na suriin kung ano ang nagti-trend at magpasya kung ito ba ay gagana sa sakop ng iyong niche at gagana para sa iyo bilang isang creator. Ikaw

dapat na maunawaan na hindi lahat ng mga nagti-trend ay gagana para sa bawat account. Napakahalaga na pumili ng isang trend na maaari mong gawin nang malikhain at nang hindi ka nahihirapan. Narito ang ilan sa mga nangungunang kategorya ng 2020:

Maaari kang maging viral sa TikTok nang hindi kailangan ng malaking budget sa produksyon. Nagagawa ng libo-libong creator na maging viral ang kanilang content araw-araw gamit lamang ang kanilang smartphone.

Ang pinakamahalaga ay mayroong nakapupukaw ng interes sa iyong content na hahatak sa mga tao upang panoorin ito, magpatuloy sa panonood, mag-iwan ng komento at ibahagi ito sa ibang manonood. Kung may ganitong pang-akit ang ang iyong content, mas malamang na sundan ka ng mga tao dahil natuwa sila sa iyo, at gugustuhin nilang makakita ng higit pa.

Kapag nalaman mo na kung paano gamitin ang TikTok, ang sunod na hamon ay ang paggawa ng content na potensyal maging viral. Kapag nadiskubre mo na sa artikulong ito kung paano gumagana ang algorithm at ang kahalagahan ng trending at hook. Ganunpaman, ang tatalo sa lahat ay ang pagkakaroon ng magandang content.

Kung meron kang content na talagang kukuha ng atensyon ng manonood mo kung saan mapapako ang tingin nila. Gumawa ng ganong content, at ilagay ang iyong bagong unawa sa algorithm ng Tiktok, para mag viral ang mga video mo at wala ng makakapigil sayo sa FYP.