یقیناً ٹِک ٹاک تبدیل ہو رہی ہے اور یہ یقینی طور پر 12 ماہ پہلے کے مقابلے میں مختلف ہے۔ اس سے قطع نظر کہ آپ اس کے نئے 'فار یو پیج' (ایف وائی پی) الگورتھم کے بارے میں کیسا محسوس کرتے ہیں، اگر آپ کو وائرل ہونے کا کوئی موقع پانا ہے تو آپ کو ان تبدیلیوں سے باخبر رہنا ہوگا۔
ٹِک ٹاک تیزی سے ترقی کر رہی ہے، اور اسی طرح اُن تخلیق کاروں کی تعداد بھی بڑھ رہی ہے جو پلیٹ فارم کو استعمال کرتے ہیں۔ ٹِک ٹاک کے اس بڑھتے ہوئے استعمال کے نتیجے کا مطلب یہ ہے کہ ایف وائی پی پر پہنچنا بہت زیادہ مشکل ہوتا جارہا ہے۔ تخلیق کار یا تو ایف وائی پی سے محبت کرتے ہیں یا نفرت کرتے ہیں، یہ عام طور پر اس بات پر منحصر ہوتا ہے کہ وہ اُس پر ہیں یا نہیں! تاہم، چاہے آپ ایف وائی پی الگورتھم کے بارے میں کیسا ہی محسوس کریں، آپ کو ایپ پر کامیابی کا کوئی بھی موقع حاصل کرنے کے لئے اس کی تبدیلیوں سے باخبر رہنا پڑے گا۔
ایف وائی پی الگورتھم کے حوالے سے تقسیمِ رائے کے نتیجے میں ٹِک ٹوک کے بارے میں کئی طرح کی رائے گردش کر رہی ہیں۔ یہاں زیادہ گردش کرنے والی رائے میں سے کچھ درج ہیں:
آپ کے فالوورز کی تعداد اُن لوگوں کی تعداد کو متاثر کرتی ہے جو آپ کا مواد دیکھ سکتے ہیں۔ یہ عقیدہ محض غیر حقیقی ہے۔
اگر آپ اپنی پہلی پانچ شائع کردہ مواد میں سے کسی ایک سے وائرل نہیں ہوتے تو آپ کو اپنا اکاؤنٹ ڈیلیٹ کرنا ہوگا اور دوبارہ شروع کرنا ہوگا۔ ایک بار پھر یہ ایک مکمل غلط فہمی ہے.
جب آپ کے فالوورز کی اکثریت فعال ہو تو شائع کرنا آپ کو ایف وائی پی تک لے جائے گا۔ ایسا کرنا بے معنی ہے کیونکہ یہ سچ نہیں ہے۔
ٹِک ٹوک کے الگورتھم کں حقیقت
آپ نے ابھی ٹِک ٹاک کے بارے میں کچھ باتیں پڑھی ہیں، تو آپ 2021 میں وائرل ہونے کے لئے کیا کر سکتے ہیں؟ متعدد عوامل آپ کی ویڈیوز کو موصول ہونے والے مشاہدات کی تعداد پر اثر انداز ہوں گے۔ ٹِک ٹاک کے لئے مواد تیار کرنے سے متعلق بہت سے مضامین اور امدادی ویڈیوز دستیاب ہیں۔ ہو سکتا ہے کہ آپ زیادہ فہم حاصل کرنے کے لئے اس بارے میں کچھ مضامین بھی دیکھنا چاہیںکہ مخصوص ویڈیوز کیوں وائرل ہوئیں۔ تاہم، اس وقت غور کرنے کے لئے چند بنیادی اصول یہ ہیں:
** واچ ٹائم کی فیصد.** آپ کی کتنی ویڈیوز لوگ حقیقتاً دیکھ رہے ہیں؟ اگر یہ 100 فیصد ہے تو آپ ویڈیو کی طوالت کے اعتبار سے میٹھی جگہ پر نشانہ لگا سکتے ہیں۔ تاہم، اگر وہ آپ کی ویڈیوز کا صرف 10 سے 20 فیصد حصہ دیکھ رہے ہیں تو ہو سکتا ہے کہ آپ یہ سوچیں کہ آپ کا مواد بہت طویل ہے۔
** ناظرین کی مشغولیت.** غور کریں کہ آپ کی ویڈیوز کو کتنا پسند کیا جا رہا ہے، شیئر کیا جا رہا ہے یا ان کے بارے میں تبصرہ کیا جا رہا ہے۔ اگر یہ بہت زیادہ ہے تو آپ مواد کے اعتبار سے اپنا مقصد حاصل کر رہے ہیں۔ لیکن، اگر لوگ زیادہ دلچسپی ظاہر نہیں کر رہے ہیں تو ہو سکتا کہ آپ کا مواد متعلقہ نہ ہو۔
** رجحان حاصل کریں.** مناسب وقت کا انتخاب بے حد اہم ہے، اور اگر آپ کسی رجحان کے ساتھ صحیح مواد کا وقت ملا سکتے ہیں تو آپ کو کامیاب ہونے کا زیادہ موقع ملے گا۔ ہو سکتا ہے کہ آپ کے پاس ایک بہترین ویڈیو ہو، لیکن اگر اسے بہت جلد یا بہت دیر سے شائع کیا جاتا ہے اور رجحان چھوٹ جاتا ہے تو آپ وائرل ہونے کے امکانات کو کم کر دیں گے۔
اب ہم اِن میں سے ہر ایک عنصر پر مزید گہرائی سے غور کریں گے۔
اس بات سے قطع نظر کہ آپ سیکنڈ طویل ہیں یا ایک منٹ کے لئے چلتے ہیں، کسی بھی ویڈیو کے ایف وائی پی پر آنے اور اُس کے بعد ٹِک ٹاک پر وائرل ہونے کے لئے اوسطً واچ ٹائم کی فیصد اہم ہے۔ 7 لاکھ سے زائد فالوورز کے ساتھ ٹِک ٹاک کی بااثر شخصیت رابرٹ بنجمن اور دیگر نے ٹِک ٹاک پر شائع کرنے کے بہترین وقت کے بارے میں بہت سی معلوماتی ویڈیوز تیار کی ہیں۔ رابرٹ طویل ویڈیوز بنانے کی ضرورت پر زور دیتے ہین جو ناظرین کو آخر تک مشغول رکھیں۔
ٹِک ٹاک کا استعمال کرتے ہوئے کامیابی کے لئے رابرٹ کی سرِفہرست تجویز ایسی ویڈیوز بنانا ہے جو 15 سیکنڈ سے زیادہ طویل ہوں۔ اُن کا خیال ہے کہ ایف وائی پی مختصر ویڈیوز کے خرچے پر طویل ویڈیوز کو انعام دے رہا ہے چاہے اُن کے واچ ٹائم کی فیصد ایک جیسی ہو۔
ہو سکتا ہے کہ آپ خود سے پوچھ رہے ہوں کہ ایسا کیوں ہو گا؟ وجہ یہ ہے کہ ٹِک ٹاک پلیٹ فارم پر ناظرین کی موجودگی برقرار رکھنا چاہتا ہے۔ ناظرین کو زیادہ دیر تک ویڈیو میں مشغول رکھنے کا مطلب یہ ہوگا کہ وہ مجموعی طور پر زیادہ دیر ٹِک ٹاک پر رہیں گے۔ لہذا، اگر آپ کی چند ویڈیوز 15 سیکنڈ سے کم مدت کی ہیں تو ہو سکتا ہے کہ آپ اُنہیں بڑھانے یا اُن کی جگہ طویل ویڈیوز لانے پر غور کریں۔ ایسا کرنے سے آپ کو وائرل ہونے کا بہت زیادہ موقع ملنے کا امکان ہے۔
تاہم، اس مشورے کے ساتھ ایک انتباہ منسلک ہے۔ لوگوں کو آدھے منٹ یا اس سے زائد وقت تک مشغول رکھنا پانچ سیکنڈ کے لئے اُن کی توجہ حاصل کرنے کی نسبت زیادہ مشکل ہے۔ لہٰذا، اگر آپ ایک دلچسپ ویڈیو تیار کرنے کے لئے جدوجہد کر رہے ہیں جو 30 سے 60 سیکنڈ پر مشتمل ہے تو آپ کے وائرل ہونے کا امکان پانچ سیکنڈ کی ویڈیوز کے ایک سلسلے کے ذریعے بڑھایا جاسکتا ہے۔ درحقیقت، اس وقت بہت سے لوگ اس طریقہ کار پر عمل کرتے ہوئے ٹِک ٹاک پر بڑی کامیابی حاصل کر رہے ہیں۔
اس کی وجہ یہ ہے کہ ایک مختصر ویڈیو ناظرین کے جوش و خروش اور توانائی کی سطح کو برقرار رکھنا آسان بناتی ہے۔ اس بات سے آگاہ رہیں کہ اگر آپ اس راستے پر چلتے ہیں تو ٹِک ٹاک کے ایف وائی پی سے بہتر نتائچ حاصل کرنے کے لئے آپ کو 100 فیصد واچ ٹائم کو یقینی بنانا ہو گا۔
اگر آپ کو اپنی طویل ویڈیوز پر ناظرین کی توجہ برقرار رکھنا ایک چیلنج لگتا ہے تو آپ کو اسٹچ فیچر استعمال کرنے پر غور کرنا چاہیئے۔ ویڈیوز سلائی کرنا آپ کے ناظرین کو آپ کے مواد پر جکڑنے کا ایک دلچسپ اور سیدھا ذریعہ ہے۔ ٹک ٹاک کا سٹیچ فیچر آپ کو اپنی ویڈیوز کے لیے ایک بنیادی سوال و جواب کا فارمیٹ سیٹ اپ کرنے کی اجازت دیتا ہے۔ یہ فارمیٹ ایف وائی پی پر پہنچنے کا ایک موثر طریقہ ہے، کیونکہ ان میں سے بہت سی ویڈیوز پہلے ہی ایف وائی پی پر موجود ہیں۔ کیوں? کیونکہ ایف وائی پی پر بہت سے ٹک ٹاک ایک سوال سے شروع ہوتے ہیں اور پھر جواب فراہم کرتے ہیں۔
ویڈیوز اسٹچ کرنے کے لیے ان تین آسان اقدامات پر عمل کریں:
وہ ویڈیو منتخب کریں جس کا آپ جواب دینا چاہتے ہیں، پھر اُس کے اسٹچ فیچر پر کلک کریں۔
'سوال کی حامل ویڈیو' کو کاٹ دیں تاکہ یہ صرف سوال اُٹھائے۔
ایک ویڈیو بنائیں جو اُس سوال کے جواب کا جواب دے۔
آپ اسٹچنگ کو سوال و جواب کے تجربے یا 'ردِ عمل-جواب' کے طور پر استعمال کرسکتے ہیں۔ بہت سے تخلیق کار کسی متنازعہ موضوع سے متعلق سوال کا جواب دینے کا انتخاب کرتے ہیں، یا وہ کسی ایسی چیز پر ردِ عمل ظاہر کرسکتے ہیں جو اُس کے دیوانے پن یا رد عمل کے قابل ہونے کی وجہ سے رجحان میں ہے۔ لہذا، آپ ان طریقوں پر بھی غور کرنا چاہیں گے۔
اس سے بھی بہتر یہ ہے کہ آپ ایک ایسے تخلیق کار ہو سکتے ہیں جس نے ایک "اسٹچ ایبل" ویڈیو تیار کی ہے۔ اس صورت میں آپ اپنا سوال اُٹھانے کے ساتھ ساتھ جواب بھی فراہم کر سکتے ہیں۔ اگر آپ دوسرے لوگوں کو یہ ترغیب دے سکتے ہیں کہ وہ آپ کی ویڈیو کی اسٹچنگ کریں تو آپ وائرل ہونے کے راستے پر آ جائیں گے۔
اسٹچنگ کی خوبصورتی یہ ہے کہ آپ کو صرف اپنا جواب یا ردِ عمل ریکارڈ کرنا ہوتا ہے۔ ناظرین کو جکڑنے میں کوئی حقیقی کوشش شامل نہیں ہوتی کیونکہ یہ کام پہلے ہی ویڈیو کے اصل خالق نے سوال اٹھا کر کیا ہوتا ہے۔ تاہم آپ نے جو کچھ کیا ہے وہکم سے کم محنت کے ساتھ ویڈیو کی طوالت کو دوگنا کرنا ہے۔
دیکھے جانے کی مدت (واچ ٹائم) کی فیصد کے بعد، ناظرین کی مشغولیت آپ کا دوسرا سب سے اہم ایف وائی پی میٹرک ہے۔ ناظرین کی مشغولیت کی پیمائش اس طرح کی جاتی ہے کہ آپ کی ویڈیوز کتنی مرتبہ شیئر، یا آپ کو کتنی مرتبہ فالو کیا گیا ہے۔ ٹِک ٹاک اُس مواد اور تخلیق کاروں کو انعام دیتا ہے جنہیں شیئر یا فالو کیا جا رہا ہے۔ یہ دونوں میٹرکس آپ کے لئے لائیکس یا تبصرے سے زیادہ فائدہ مند ہیں۔
ویڈیو شیئر کرنے یا تخلیق کار کو فالو کرنے کے نتیجے میں زیادہ لوگ ٹِک ٹاک استعمال کریں گے اور زیادہ لوگ اسے زیادہ دیر تک استعمال کریں گے۔ لہٰذا، ٹِک ٹاک کے الگورتھم کو اُس مواد کی زیادہ سے زیادہ نمائش کے لئے مرتب کیا گیا ہے جو سب سے زیادہ شیئرز اور فالوز وصول کرتا ہے۔ صرف اتنا ہی نہیں، یقیناً لائیکس اور تبصروں کی ضرورت کو نظر انداز نہ کریں کیونکہ یہ بھی فائدہ مند ہیں۔
رابرٹ کی بہترین تجاویز میں سے ایک ناظرین کی مشغولیت کی حوصلہ افزائی کرنا ہے۔ ہو سکتا ہے کہ آپ یہ سوچیں کہ آپ کا مواد اچھا ہے، لیکن اگر آپ ناظرین کی مشغولیت کی حوصلہ افزائی نہیں کر رہے ہیں تو آپ بڑا فائدہ اٹھانے سے محروم ہیں۔
راز یہ ہے کہ لوگوں کو اس طریقے سے تبصرہ کرنے کو کہا جائے جس سے اُن کے تبصرہ کرنے کا امکان ہو۔ اس کے علاوہ، اُنہیں محض اپنے فالوورز میں سے ایک بنانے کی بجائے آپ کو فالو کرنے کے لئے زیادہ مراعات دینے کی کوشش کریں۔
مثال کے طور پر یہ کیسے لگتا ہے؛ "مجھے فالو کرنے کے لئے + دبائیں۔" یہ متاثر کُن نہیں، ٹھیک ہے؟ اب ان تینوں اختیارات کے ساتھ اس کا موازنہ کریں:
"اگر آپ ایک گیمر گرل فرینڈ کو پانا چاہتے ہیں تو + دبائیں۔"
"کتوں سے محبت ہے؟ ثابت کرنے کے لئے + دبائیں"
"ابھی گیمنگ میں شامل ہونا چاہتے ہیں؟ + دبائیں
آپ کا مقصد ہونا چاہیئے کہ اپنا تمام مواد اپنے پاس رکھیں، یقینی طور پر اس کا زیادہ تر حصہ، کسی ایسی چیز کی بنیاد پر جو رحجان میں ہے۔ اس کا مطلب ہے کہ ایسی کہانی، آڈیو یا رقص کا استعمال کرنا جو رجحان میں ہے اُس کے لئے اُس مواد سے زیادہ مشاہدات حاصل کرنے کا امکان رکھتا ہے جو بالکل نیا یا منفرد ہے۔
ہو سکتا ہے کہ آپ سوچیں کہ یہ عام فہم توقع کے بر عکس ہے ، لیکن ٹک ٹاک رجحانات تخلیق کرنے اور اُنہیں فروغ دینے پر مبنی ہے۔ ایف وائی پی الگورتھم سمجھتا ہے کہ ناظرین کچھ خاص آڈیوز سے لطف اندوز ہوتے ہیں جو پہلے وائرل ہوئی تھیں۔ لہذا ، یہ ایسے مواد کو فروغ دے گا جس میں آڈیو کے وہ ٹکڑے شامل ہوں۔ الغرض، الگورتھم کا خیال ہے کہ اس نے آپ کے مواد کے لیے حاضرین کو ڈھونڈ لیا ہے۔
ایک بار پھر ایف وائی پی الگورتھم تیار کیا گیا ہے تاکہ ناظرین کو زیادہ سے زیادہ وقت تک ٹک ٹاک پلیٹ فارم پر مشغول رکھا جا سکے۔ کوئی بھی مواد جس کا رجحان نہیں ہے ناظرین کو ایپ پر رکھنے میں تعاون نہیں کرتا لہذا یہ مواد غیر ترجیح یافتہ ہو جاتا ہے۔
آپ ایسے مواد کے ساتھ جس کا رجحان نہیں ہے صرف تب وائرل ہو سکتے ہیں اگر آپ کو دیکھےجانے کے وقت کا تناسب 100 فیصد ہے۔ تاہم ، بلا رجحان مواد کے لیے ایسا ہونے کے امکانات کم ہیں۔
رجحان میں آنے کا ایک اور فائدہ یہ ہے کہ یہ تخلیقی مواد تیار کرنے کی ضرورت کو کم کرتا ہے۔ ہر روز نیا اور انوکھا مواد بنانا تخلیقی طور پر مشکل ہوسکتا ہے، جبکہ رجحان میں شامل مواد سے فائدہ اٹھانا آسان ہے اور یہ کافی وقت بچا لے گا۔
اپنی صلاحیت کے زمرے میں دوسرے تخلیق کاروں کی فالو کرنے پر غور کریں۔ دیکھیں کہ وہ کیا کر رہے ہیں، اُن کی تازہ ترین ویڈیوز کون سی ہیں، اور اُن کے مواد میں سے کون سا بہترین نتائج حاصل کر رہا ہے. اس کے علاوہ اپنے ایف وائی پی پر کسی بھی ایسی آڈیو کو پسندیدہ کے طور پر منتخب کرنے کی کوشش کریں جسے کے بارے میں آپ کو لگتا ہے کہ آپ اُسے استعمال کرسکتے ہیں اور آپ کے ناظرین اُس سے لطف اندوز ہوں گے۔
اس بات کا اندازہ لگانا بہت ضروری ہے کہ کیا چیز رجحان میں ہے اور یہ فیصلہ کرنا بھی کہ آیا یہ آپ کی صلاحیت کے زمرے سے مطابقت رکھتی ہے اور ایک تخلیق کار کے طور پر آپ کے لئے کام کرے گی یا نہیں۔ آپ
سمجھنا چاہئے کہ تمام رجحانات ہر ایک اکاؤنٹ کے لئے کام نہیں کریں گے۔ ایک ایسے رجحان کا انتخاب کرنا بہت ضروری ہے جسے آپ تخلیقی طور پر اور بہت کم کوشش کے ساتھ اپنا سکتے ہیں۔ 2020 کے کچھ صفِ اول کے رجحانات کے ضمرے یہ ہیں:
آپ ایک بہت بڑے پپیداواری بجٹ کے بغیر ٹِک ٹاک پر وائرل ہو سکتے ہیں۔ ہر روز ہزاروں تخلیق کار صرف ایک اسمارٹ فون کے ساتھ اپنے مواد کو وائرل کرتے ہیں۔
جو چیز سب سے زیادہ اہمیت کی حامل ہے وہ یہ ہے کہ آپ کے مواد کے اندر ایک ایسا آنکڑا ہو جو لوگوں کو اُسے دیکھنا شروع کرنے، اُسے دیکھتے رہنے، اُس پر تبصرہ کرنے اور اُسے دوسرے ناظرین کے ساتھ شیئر کرنے پر مجبور کر دے۔ اگر آپ کے مواد میں یہ آنکڑا ہے تو اس بات کا زیادہ امکان ہے کہ لوگ آپ کو فالو کریں گے کیونکہ آپ نے اُنہیں تفریح فراہم کی ہے، اور وہ مزید تفریح حاصل کرنا چاہتے ہیں۔
ایک بار جب آپ ٹِک ٹاک کا استعمال کر سیکھ لیں گے تو اگلا چیلنج ایسا مواد بنانا شروع کرنا ہے جس میں وائرل ہونے کی صلاحیت ہو۔ آپ نے اس مضمون میں جو سمجھا ہے وہ یہ ہے کہ الگورتھم کس طرح کام کرتا ہے اور ٹرینڈنگ اور آنکڑوں کی کیا اہمیت ہے۔ تاہم، جو چیز ہر سب کچھ پیچھے چھوڑ دے گی وہ بہترین مواد ہے۔
اگر آپ کے پاس ایسا مواد ہے جو آپ کے ناظرین کی اس قدر توجہ حاصل کر لے گا کہ وہ نظر نہیں ہٹا سکیں گے۔ اس طرح کا مواد بنائیں اور ٹِک ٹاک کے الگورتھم کے بارے میں اپنی نئی دریافت شدہ سمجھ میں اضافہ کریں، آپ کی ویڈیوز وائرل ہو جائیں گی اور آپ ایف وائی پی پر نہ روکے جانے والے بن جائیں گے۔
Josh from Exolyt
یہ مضمون جوش نے لکھا ہے، جو Exolyt میں بطور سینئر سوشل میڈیا کنسلٹنٹ کام کرتے ہیں۔ جوش اثر انداز کرنے والوں، مارکیٹرز اور مواد کے تخلیق کاروں کو اپنی مصروفیت کو بہتر بنانے اور اپنے اکاؤنٹس سے زیادہ سے زیادہ فائدہ اٹھانے میں مدد کرتا ہے۔