Paano maging Milenyal sa TikTok?

Hindi naging madali ang pagiging isang

Tulad ng nilalait noon na mga Gen-Xers na nauna sa amin, inaasahan namin na ang pagsilang ng bagong henerasyon ay makakabawas ng pressure. Ngunit hindi. Ang nangyari, ang mapang-asar na mga Centennial (o Gen-Zers, kung gusto mo) ay dumating na handang-handang dumadagdag sa panunuya samin. Bilang mas progresibo at mas may talento sa digital kaysa sa amin, mabilis nilang hinuhusgahan ang aming mga gupit, pananamit, at ang aming kawalang kakayahan na ganap na maunawaan ang teknolohiya na kalalabas pa lamang.

Pagkatapos ay dumating ang COVID-19. Mula isang henerasyonal na aspeto, ang pandemya ay naging isang magandang pambalanse. Hindi lamang na lahat tayo ay nakararanas ng parehong resulta, pero ang pagkakulong sa loob ng bahay nang walang magawa ay nagdulot ng hindi maitatangging dami ng pagkakapatong-patong ng ating mga interes. Ang ilan sa atin ay kumuha ng mga pang-matandang libangan tulad ng paggagantsilyo, habang ang iba naman, tulad ko, ay nagpasya na tingnan kung ang kinahihiligan ng mga bata.

At bagaman duda ako na pagaaksayahan ako ng pansin ng sinuman sa mga USB-goblin Gen-Zers na ito, ang personal kong paglusob sa kanilang inter-generational na paglilibang ay sa paraan ng pagsali sa TikTok.

Kung hindi mo alam, ang mabilis na pagbabahagi ng mga video na ito sa platform ay talaga namang nakadisenyo para sa mga napakaigsing atensyon ng mga Centennial. Gayunman, natuklasan ko agad na marami akong nagustuhan tungkol dito. Bukod dito, natuklasan ko din agad na ang malakas na algorithm ng TikTok ay kasing ganda lang din ng pagbuo ko ng isang entertainment niche para sa akin ganundin para sa mga henerasyonal kong kapitbahay.

Kita mo, ang TikTok ay hindi lamang basta mga wirdong video ng pagli-lipsync na ginagawa ng mga kabataan na makukulay ang buhok. Meron din ditong mga sketch ng komedya, DIY at likhang sining na mga video, at kahit pa nga mga clip na masasabi mong "nakapagtuturo." At salamat sa mga simpleng "gusto" o "di-gusto" na sistema (buong pagmamahal na pinalalakas ng "mga puso"), madali mong maaayos ang iyong feed na talagang bagay sa kung ano ang gusto mo sa app.

Halimbawa, hindi mo man magustuhan ang "Throw it Challenge," isang laro kung saan ang mga kabataan ay tatayo nang pabilog at maghahagis ng mga bagay sa hangin, sinuman ang tamaan nito ay maaalis. Pero baka magustuhan mo ang mas Milenyal na kawirduhan, tulad ng Goblincore. Ito ay ang pagpapahalaga o pangongolekta ng mga damo, fungi, mga bungo, inukab na mga puno, at mga dumi. Kaya't kung si Gollum ang paborito mong karakter sa LOTR, ang #Goblincore ang hinahanap mo.

At kung saan gusto ng mga Centennial ang "Hit or Miss Challenge," kung saan susubukan nilang hanapin ang isa't isa sa publiko sa pamamagitan ng pagsigaw ng "Hit or Miss" sa matataong lugar, maaaring hindi magustuhan ng 29-anyos mong nobyo ang atensyon. Sa halip, pwede kang maghanap ng mga recipe ng cocktail, mga ideya para sa snack, at kahit pa nga ng buong konsepto ng hapunan. Sa katunayan, ang TikTok ay iginagalang para sa mga content nito sa pagkain, at nangunguna pa ang mga chef sa pagiging creator sa platform.

Hindi ka sigurado kung bibigyan ka ng amo mo ng malaking promosyon kapag sinundan mo ang "Fox Eyebrow Challenge," kung saan aahitin mo ang kalahati ng kilay mo at pagkatapos ay guguhitan ito? Bakit hindi mo na lang panoorin ang daan-daang influencer ng kagandahan at moda na gumagawa ng TikTok sa kanilang bahay? Mula sa bagong hairstyle hangang sa mga usong makeup hanggang sa mga bagong ideya sa pananamit, napakaraming paraan upang gamitin ang platform para pagbutihin ang iyong sarili (hindi ang gawin mong katawa-tawa sa opisina ang mukha mo).

Kita mo, ikaw man ay naghahanap ng isang bagay na babagay sa sarili mong "kawirduhan", ang pabago-bago mong panlasa, o ang iyong kagustuhan na magmukhang maganda - napakaraming bagay sa TikTok na bagay na bagay sa iyong Milenyal na panlasa. Para sa akin, hangang-hanga ako sa mga sining at mga likhang sining na mga hashtag, na nakapagbigay sa akin ng madaming ideya para magawa kong bagay sa aking personalidad ang disenyo ng aking opisina at sala. Gayunpaman, hindi ibig sabihin nito ay hindi ako nakikisali sa mga trending na hashtag paminsan-minsan. Pagkatapos ng lahat, tayong mga Milenyal ay hindi ang tipo na uurong sa hamon (kahit gaano pa ito kababaw).

Kaya't kung lampas 25 ka na, ngunit ikaw ay nagiging masyadong "Tok-Curious" ngayong panahon ng pagsubok, huwag matakot! Napakaraming content para masiyahan ang lahat. Malay mo, baka matuklasan mo na mas marami pala kayong bagay na mapagkakasunduan ng iyong dalagitang pamangkin kaysa sa kuya mong abogado. Hindi ba magandang pagkwentuhan iyan bilang pamilya?