Alt TikTok అంటే ఏమిటి?

TikTok సెప్టెంబరు 2016లో ఆవిష్కరించబడింది, అప్పటి నుండి అది అత్యధిక స్థాయిలో ప్రజాదరణ పొందింది. మరీ ముఖ్యంగా ఇటివలే కరోన మహమ్మారి తెచ్చిపెట్టిన కఠినతర లాక్‌డౌన్ల సమయంలో. ఏదేమైనా, ఇప్పుడు ఈ మొత్తం మోజులో పడి తాజా తాజా ట్రెండ్లలో చిక్కుకున్నామని జనం అనుకుంటున్న సమయంలోనే, Alt TikTok లాంటి కొత్త పదాలు ట్రెండింగ్‌అవ్వడం ప్రారంభమైయ్యాయి. ఈనాడు స్నేహితులని కలిసి, "నువ్వు TikTokలో ఏ వైపు?" అని అడగడం సర్వసాధారణం, ఎంతో మంది జనాలని ఈ రకంగా అయోమయానికి గురిచేయడం జరుగుతోంది. నిజానికి ఎక్కువ మంది జనం Straight TikTok గా పిలవబడే మెయిన్‌స్ట్రీమ్ TikTokలో వున్నారు. TikTokకి ఇంకోవైపుని Alt TikTok అని పిలుస్తారు. అది ఆల్టర్నేటివ్ TikTok అనే దానికి సంక్షిప్త రూపం. Alt TikTokకి వేరే ప్రత్యేకమైన TikTok యాప్ అవసరం లేదు; మనకి తెలిసిన TikTok యాప్‌నే ఇది ఉపయోగిస్తుంది.

అందరికీ తెలిసిన విధంగా, నాట్య నైపుణ్యాలను, ప్రచారానికి ఎక్కే విషయాలను, మరియు వివిధ అంశాలపై అభిప్రాయాలను వ్యక్తపరచడానికి ప్రజలు Straight TikTokని ఉపయోగిస్తారు. హాస్యభరితమైన, పెదాలు కలిపే నటనను సృష్టించడానికి కొందరు జనం దీనిని ఉపయోగిస్తారు. మరిన్ని వీక్షణలు, లైకులు మరియు సబ్‌స్క్రిప్షన్లను సంపాదించడానికి Straight TikTok వీడియో క్రియేటర్లు అందంగా వుండటం, సాధారణంగా అభిరుచి కలిగిన నైపుణ్యాలని ప్రదర్శించడం మరియు విశేషతలను కలిగివుండటం కొత్త విషయమేమీ కాదు.

సాధారణంగా Straight TikTokలో కనిపించని కంటెంట్‌ని జనం వీక్షించడం మరియు షేర్ చేయడం చేస్తారు కాబట్టి Alt TikTok ప్రత్యేకమైనది. ఇది ప్రతీ ఒక్కరి కోసం కాదు, దీనిని ప్రత్యేకంగా మలుస్తూ, కేవలం దీనికి సంబంధించిన వాళ్ళు మాత్రమే ఇందులో వుంటారు. ఇందులో షేర్ చేసే కంటెంట్ మరింత అధివాస్తవికంగా, వ్యంగ్యంగా, పూర్తిగా నల్ల హాస్యంతో కూడి (డార్క్ హ్యూమర్), అసంగతంగా మరియు కళాత్మకంగా వుంటుంది. ఈ రకమైన హాస్యం Straight TikTokలోని జనం ద్వారా మెప్పు పొందదు, అంతేకాదు వారిని అయోమయానికి గురి చేసే అవకాశం కూడా వుంది.

నిజానికి Alt TikTokలో వుండే వాళ్ళు TikTokలో వుండే కంటెంట్‌ని నిరుత్సాహకరమైన కంటెంట్‌గా భావిస్తారు. Alt TikTok ఎంతో అనుకూలమైనది మరియు కంటెంట్ క్రియేటర్ల యొక్క రూపురేఖలు, నమ్మకాలు లేదా ధోరణులతో సంబంధం లేకుండా ఆసక్తికరమైన, వినోదకరమైన మరియు అపూర్వమైన కంటెంట్‌ని మరింత స్వాగతించే విధంగా వుంటుంది. ఆ విధంగా ఇది ప్రజలకి వారి అందచందాల ఆధారంగా కాకుండా వారి హాస్యాస్పద శైలి కారణంగా పేరు ప్రఖ్యాతుల్ని తెచ్చి పెడుతుంది. ఇది మెయిన్‌స్ట్రీమ్ TikTokతో పోలిస్తే తక్కువ గుర్తింపుని లేదా తక్కువ ప్రజాదరణని కలిగివుంటుంది, కాని ఎన్నో ప్రజాదరణ పొందిన Straight TikTok వీడియోలన్నీ కూడా Alt TikTok కంటెంట్ నుండి సేకరించిన ధ్వని లేదా వీడియో క్లిప్పులను కలిగివుంటాయి.

డిఫాల్టుగా TikTok ప్రతీ ఒక్కరినీ Straight TikTokలోకే చేరుస్తుంది. కాని ఒక వేళ అల్గారిథం ఏదైనా ప్రత్యేకమైన ఆసక్తిని గుర్తిస్తే కొందరిని మాత్రం Alt TikTokలోకి చేరుస్తుంది. Alt TikTokలోకి వెళ్ళడానికి మీరు చేయగలిగిన కొన్ని చర్యలను చూద్దాం. దీనిని ప్రారంభించాడానికి గొప్ప మార్గం ప్రజాదారణ పొందిన TikTok వీడియోలలో మీయొక్క నిమగ్నతని తగ్గించడం. ఆ విధంగా మీరు ప్రత్యేకమైన, అయినా కూడా ఆసక్తిని కలిగించే కంటెంట్‌తో వ్యవహరించాలి. మీరు వీడియోలపై కామెంట్లు పోస్టు చేయవచ్చు, Alt TikTok వీడియో క్రియేటర్లను అనుసరించి, ఒక Alt TikTok వీడియో చూసిన తరువాత స్వీకరించే వీడియో సూచనలను గమనించవచ్చు. #alttok, లేదా #altTikTok హ్యాష్ ట్యాగులతో మీరు వీడియోల గురించి కూడా వెతకవచ్చు.

కొన్ని Alt TikTok వీడియోలు ఈ హ్యాష్ ట్యాగ్ లను ఉపయోగించవు. అవి #beantiktok, #makka, #pakka, #retail arguments, #shek TikTok, #frogs, #carebear, #elitetiktok, #sacrifice లాంటి ఇతర సూచించబడిన హ్యాష్ ట్యాగుల ద్వారా కనుగొనబడవచ్చు.

మీరు వీక్షించిన గత వీడియోలు మరియు వాటితో మీయొక్క నిమగ్నతా స్థాయి ఆధారంగా TikTok మీకు వీడియోలని అందిస్తుంది. ఆ విధంగా, మీరు Alt TikTokలోకి ప్రవేశించినపుడు, మీరు దానిపైనే కొనసాగడానికి అటువంటి వీడియోలలో మీయొక్క నిమగ్నత ఎక్కువగా వుండాలి. Alt TikTok ప్రపంచానికి సుస్వాగతం!