TikTok లో Y తరంగా ఎలా వుండాలి?

మనం Y తరంగా ఉండటమనేది ఎప్పుడూ కూడా అంత సులభమేమీ కాలేదు. మనం చిన్న తరంగా వున్నపుడు, బూమర్లు (1946-1964) మరియు X తరం (1964-1980) వాళ్ళ చేతిలో ఎప్పుడూ అవమానాల పాలయ్యేవాళ్ళం. అంటే ఇంకేం పనీ పాటా లేకుండా కేవలం దీనికోసమో దానికోసమో ఒక ట్రోఫీని లేదా వివరణని ఇవ్వమని అడుగుతూ తిరిగేవాళ్ళమని మన ఉద్దేశం. "ఒక ఇల్లు ఎందుకని 75x ఖరీదు చేస్తోంది, అదే ధర నేను మీకు సంవత్సరమంతా చెల్లించడానికి సిద్ధంగా వున్నానుగా? ఇదిగో ఇలాగ మీ Y తరం వాళ్ళు ఇలాంటి పిచ్చి పిచ్చి ప్రశ్నలు వేస్తారన్నమాట"

మనం ఇంతకూ ముందే తిట్టుకున్న X తరం వాళ్ళలాగే, కనీసం మన తరువాతి తరం వాళ్ళైనా మన బారాన్ని కొద్దివరకైనా దించుతారని ఆశించాము. కాని అలా జరగలేదు. ఆ వెక్కిరించే నూతన శతాబ్ది వారసులు (మీకు కావాలనిపిస్తే, వాళ్ళని Z తరం వాళ్ళు అని కూడా పిలవవచ్చు) మనల్ని వెక్కిరించే సంఘంలో ముందే చేరిపోయారు. మనకంటే కూడా ఎంతో ముందున్న మరియు మనకంటే ఎంతో డిజిటల్ పరిజ్ఞానం వున్న వాళ్ళందరూ కూడా, మన హెయిర్‌కట్‌ని, దుస్తుల్ని, మరియు కొద్ది నిమిషాల ముందే పుట్టిన సాంకేతికతని పూర్తిగా అవగాహన చేసుకోలేని మన అసమర్థతని ఆలస్యం చేయకుండా వెక్కిరించారు.

ఇక ఇంతలో ప్రత్యక్షమైంది కోవిడ్-19. తరం కోణంలో చూస్తే, ఈ మహమ్మారి గొప్ప ప్రభావకారిగా వుంది. మనందరం ఒకే రకమైన పరిణామాలని అనుభవించడమే కాదు, మనం ఏమీ చేయలేకుండా ఇంట్లోనే వుండిపోవడం అనేది మన ఆసక్తులన్నింటినీ తీవ్రంగా మార్చేసింది. మనలో కొందరు, పెద్దవాళ్ళ పనులైన కుట్లూ, అల్లికలను చేయడం ప్రారంభిస్తే, నాలాంటి ఇంకొందరు చిన్న పిల్లలేం చేస్తున్నారో చూడాలని నిర్ణయించుకున్నారు.

నా రాకను గమనించడానికి ఆ యూ.ఎస్.బి-పౌరాణిక రాక్షస Z తరం వాళ్ళు వారి స్క్రీన్ల నుండి తల పైకి ఎత్తే ఉంటారని నాకు అనుమానం ఉన్నప్పటికీ, వివిధ తరాలని ప్రభావితం చేసే వినోదంలోకి నా వ్యక్తిగత దండయాత్ర నా టిక్‌టాక్ ప్రవేశం రూపంలోనే జరిగింది.

మీకు తెలియకపోవచ్చు గానీ, ఈ మెరుపు వేగపు వీడియో షేరింగ్ వేదిక ఖచ్చితంగా క్షణాల ఏకాగ్రత పరిమితి మాత్రమే కలిగివుండే Z తరం వాళ్ళ కోసం రూపొందించబడిందే. అయినా కూడా, దీనిని ప్రేమించేంతగా దీనిలో ఏదో ఉందనే విషయం నేను త్వరగానే కనుగొన్నాను. అంతేకాదు, శక్తివంతమైన టిక్‌టాక్‌ ఆల్గారిథం నాకు సౌకర్యంతంగా వుండే రంగాన్ని ఏర్పరచుకోవడానికే కాదు, నా పొరుగు తరం వారి కోసం కూడా మంచిదనే విషయాన్ని నేను త్వరగానే తెలుసుకున్నాను.

మీకు తెలుసా, రంగు రంగుల జుట్టుతో వుండే పది పదమూడేళ్ళ పిల్లలు చేసే కేవలం పెదాలు కలిపే వీడియోల కన్నా కూడా ఇంకా ఎక్కువే టిక్‌టాక్‌లో వుంది. ఇందులో హాస్యపు స్కెచ్‌లు, మీరే స్వయంగా చేసుకునేలా, మీకు కళానైపుణ్యం నేర్పించే వీడియోలు మరియు మీరు సమాచారానికి సంబంధించినవిగా పిలవబడే వీడియోలు కూడా ఇందులో వుంటాయి. అంతేకాకుండా, సులభంగా వుండే "లైక్" లేదా "డోంట్ లైక్" వ్యవస్థకి ("హార్ట్స్" ద్వారా ప్రేమగా రూపొందించబడింది) మనం ధన్యవాదాలు చెప్పాలి, మీరు యాప్ నుండి ఏది కోరుకుంటున్నారో దానికి సరిగ్గా సరిపోయే ఫీడ్‌లో మీరు డయల్ చేయడానికి ఎక్కువ సమయం పట్టదు.

ఉదాహారణకి, మీకు "త్రో ఇట్ చాలెంజ్" అనే ఆట ఇష్టం ఉండకపోవచ్చు. ఈ ఆటలో టీనేజ్ పిల్లలందరూ ఒక వృత్తంలో నిలుచొని, గాల్లోకి వస్తువులని విసిరేస్తారు, అది ఎవరిని తాకితే వారిని బయటకి పంపివేస్తూ. అయితే, Y తరాన్ని కూడా దృష్టిలో వుంచుకొని రూపొందించిన ఎన్నో విచిత్రాలు వున్నాయి, ఉదాహరణకి గోబ్లిన్‌కోర్‌లాంటివి. గడ్డిని,బూజుని, పుర్రెలను, తొర్ర వున్న చెట్లని మరియు మురికి లాంటి వాటిని మెచ్చుకోవడమే ఈ అంశం. అంటే లార్డ్ ఆఫ్ ద రింగ్స్ సినిమాలో మీరు ఎక్కువగా గుర్తించే పాత్ర గోల్లమ్ అయితే, మీరు సరిగ్గా #goblincore కోసమే అన్వేషిస్తున్నట్టు.

అంతేకాకుండా, Z తరం వారు "హిట్ ఆర్ మిస్!" అని జనం ఎక్కువగా వున్న ప్రదేశాలలో అరుస్తూ,"హిట్ ఆర్ మిస్ చాలెంజ్," అనే ఆటని అమితంగా ప్రేమిస్తున్నపుడు, మీరు ఆకర్షిస్తున్న ఆ దృష్టి మీ 29 ఏళ్ళ బాయ్‌ఫ్రెండ్‌కి నచ్చకపోవచ్చు. దానికి బదులు, కాక్‌టెయిల్‌ వంటకాలని, స్నాక్ ఐడియాలని, అంతేకాదు పూర్తి డిన్నర్ అంశాలని కూడా మీరు అన్వేషించవచ్చు. నిజానికి భోజన కంటెంట్ పరంగా టిక్‌టాక్‌ ప్రసిద్ధి చెందింది, మరియు వంటవారు ఈ వేదిక యొక్క టాప్ క్రియేటర్లుగా పరిణామం చెందారు.

మీయొక్క కనుబొమ్మను షేవ్ చేసుకొని మళ్ళీ తిరిగి గీసుకోవడంగా కూడా పిలవబడే "ఫాక్స్ ఎయ్‌బ్రో చాలెంజ్"ని గనుక మీరు అనుసరిస్తే, మీ బాస్ మీకు ఆ పెద్ద ప్రమోషన్ ఇస్తాడో ఇవ్వడో ఖచ్చితంగా తెలియడం లేదా? దీనికి బదులు, ఎందుకని టిక్‌టాక్‌నే వాళ్ళ ఇల్లుగా మార్చుకున్న బ్యూటి మరియు ఫ్యాషన్ రంగంలోని వందల మంది ప్రభావశీలుల యొక్క వీడియోలని చూడకూడదు? కొత్త హెయిర్‌స్టైల్స్‌నుండి మేకప్ ట్రెండ్స్ మరియు దుస్తుల ఐడియాల వరకూ, మిమ్మల్ని మీరు వృద్ధి చేసుకోవడానికి ఇందులో ఎన్నో రకాల మార్గాలు వున్నాయి. (మీ మొహాన్ని ఒక ఆఫీస్ జోక్‌గా మార్చడానికి మాత్రం కాదు).

ఎప్పుడూ పరిణామం చెందుతూ వుండే మీయొక్క "వింత" బ్రాండుకి సరిగ్గా సరిపోయేదాని కోసం మీరు అన్వేషిస్తున్నా, లేదా వీలైనంత గొప్పగా కనిపించాలనే మీయొక్క కోరికను అన్వేషిస్తున్నా, మన Y తరం వారి అభిరుచులకి చక్కగా సరిపోయే ఎన్నో అంశాలు టిక్‌టాక్‌లో వున్నాయి. వ్యక్తిగతంగా నాకు కళలు మరియు కళానైపుణ్యాల హ్యాష్ ట్యాగులంటే చాలా ఇష్టం.ఇవి నా యొక్క ఆఫీసుని మరియు లివింగ్ రూమ్ ప్రదేశాలని పూర్తిగా నాకు నచ్చే, నా స్వంత వాటిగా మార్చాయి. అయినా కూడా, దానర్థం, నేను అప్పుడో ఇప్పుడో ట్రెండింగ్‌లో వుండే హ్యాష్ ట్యాగుల్లోకి దూకనని కాదు. ఏదేమైనా, మన Y తరం వాళ్ళం ఎప్పుడూ కూడా ఒక చాలెంజ్ నుండి వెనుకడుగు వేసే వాళ్ళం మాత్రం కాదు (మనం ఎంత మూర్ఖులమైనా సరే).

కాబట్టి మీరు గనుక 25 ఏళ్ళ పైబడిన వాళ్ళయితే, కాని ఈ కష్ట సమయంలో "టిక్‌టాక్‌పై ఆసక్తిని" పెంచుకుంటూ వుంటే గనుకా, భయం లేకుండా వుండండి! ప్రతీ ఒక్కరూ ఆస్వాదించడానికి కావలసినంత కంటెంట్ వుంది. ఎవరికి తెలుసు? మీ న్యాయవాది పెద్దన్న కంటే, మీ చిన్నారి మేన కోడలి అభిరుచులనే మీరు కూడా కలిగివున్నారని మీరు తెలుసుకుంటారేమో? అది ఒక ఆసక్తికరమైన కుటుంబ సంభాషణకి దారి తియ్యదంటారా?